Lirik Lagu Minang Cinto Tak Mungkin Basatu by Ramon Arman
Bialah cinto ko putuih
Bialah kasiah ko hanguih
Bialah jantuang hati ko ramuak hancua mambaro
Pado batambah laruik juo padiah juo seso juo
Di dalam bathin ko
Usah sasali ondeh adiak
Usah tangisi nan tajadi
Aia mato indak ka dapek manyalasaikan
Sakik di adiak nan taraso
Padiah di denai baitu pulo
Indak di dalam sanang sajo kito baduo
Hari ka hari dinanti
Bulan ka bulan ditunggu
Manga alah batahun mangko kasiah ka habih
Eloklah dari dahulu bapatahkan tangkainyo
Sabalun bungo kambang
Hati mambaro baturuikkan
Dima ka dingin parasaan
Mangko barubah raso cinto jadi api nyalo
Urang tuo adiak mambari
Jalan bapisah untuak kito
Denai lai tau jo untuang mangko batarimo
Denai harokkan cinto kasiah kito sataguah karang
Walau ombak mahampeh indak ka rabah
Usahlah kareh banampakkan
Tiado gunonyo ondeh adiak
Tak ka mungkin urang tuo dilawan
Bak cando batu hari ka hari dititiak dek aia
Ka habih juo asa lai saba
Hati jo jantuang nan lah kanai baa denai ka saba
Padiahnyo caro urang tuo adiak
Hinggo manjadi darah dagiang
Denai cinto, denai pun cinto
Denai sayang, denai pun sayang
Tapi cinto indak ka dapek basatu
Denai cinto, denai pun cinto
Denai sayang, denai pun sayang
Tapi cinto indak ka dapek basatu
