Lirik Lagu Minang Dendang Rang Rantau by Alkawi.
Satinggi tinggi tabang bangau
Nan suruiknyo ka kubangan juo
Sajauah jauah badan marantau
Kampuang halaman mambayang juo
Usah lah hati di parisau
Mari badendang basamo samo
Bia badan jauah di rantau
Namun batin ka kampuang juo
Nan jo rabab di aliah lagu
Parintang rintang hati ibo
Kampuang halaman saba lah dulu
Lamo lambek ka pulang juo
Sabana rancak kampuang halaman
Sampai bilo indak ka lupo
Bia ka rantau mancari makan
Nan kampuang di ruang mato juo
Hujan ameh di rantau urang
Hujan batu di kampuang awak
Sasanang sanang di kampuang urang
Sanang juo lah di kampuang awak
