Lirik Lagu Karo Pancur Salimar by Netty Vera Br. Bangun.
Sedak pusuhku mambur iluhku
Ngidah-ngidah perbahanenndu man bangku
Nggo kenca keri sinasalitna kubere man bandu
Lawes kel kena iting ngelokken aku
Lawes kel kena iting ngelokken aku
La kusangka ndube la kel kuduga
Seh ukurndu ngobah ibas arihta
Kepe gara-gara diberu pertanggal sada
Ilupakenndu nanginndu si tading I kuta
Ilupakenndu nd nanginndu si tading I kuta
Kepeken kelengenndu si berekenndu man bangku
Bahannandu bagi lau pancur salimar
Mambur naktak mambur naktak itengah perdalinen
Piah keri la erkesehen la erkesehen arihta ndube
Gundari tading me aku ter arap-arap
Bagi sinatap endes-endes ciger wari
Payo lit terjeng I tatap
Tapi bene ia tupung I dadap
Bene tupung I dadap
Gundari sirang me benang benang pudun arihta
Bagi persirang pasir pasir I tepi lawit
Payo me ia ersada ersada tupung bencah
Tapi sirang nge ia sirang nggo kenca kerah
Sirang nggo kenca kerah
Kepeken kelengenndu si berekenndu man bangku
Bahannandu bagi lau pancur salimar
Mambur naktak mambur naktak itengah perdalinen
Piah keri la erkesehen la erkesehen arihta ndube
Gundari tading me aku ter arap-arap
Bagi sinatap endes-endes ciger wari
Payo lit terjeng I tatap
Tapi bene ia tupung I dadap
Bene tupung I dadap
Gundari sirang me benang benang pudun arihta
Bagi persirang pasir pasir I tepi lawit
Payo me ia ersada ersada tupung bencah
Tapi sirang nge ia sirang nggo kenca kerah
Sirang nggo kenca kerah
