Lirik Lagu Tra Balas Bae - Dunces X Gilang X Logan X Fhay X Dearbee

Lirik Lagu Tra Balas Bae - Dunces, Gilang, Logan, Fhay & Dearbee

pas sa su sayang baru ko main-main
pas sa su cinta baru ko cari lain
sa yang su bikin ko nyaman
pas su deng dia sa ni ko lupakan
sa yang su berjuang untuk jaga ko pu hati
tra balas bae ko su bikin sa menangis
sayange, ko bagaimana
adoh sayange, sumpah ko cara tara bae

saling terbuka jang ko sembunyi
paling tra suka diam ko main sendiri
bagaimana ko lia sa berusaha
sama kah dia deng sa pu usaha
padahal sa jaga ko hati deng susah payah
baru dia yang ko kasih menang banyak
sumpah sayang ko pu cara tara bae
sumpah jang ko pura-pura bae
ada mulai sayang baru ko anggap bercanda
apa lai sayang baru ko mo anggap sa
ko bilang sayang deng cinta ke sa itu apa
ko hilang sayang deng cinta dari sa demi siapa
kalau belum siap jang terima sa
sekarang sa yang tumpahkan air mata
su dapat dia lalu ko lupa sa
su dapat dia baru ko tra mengaku sa

ko bilang ke dia kalo sa ni banyak salah
ko su hilang pigi kalo sa ajak bicara
jujur sa pu hati tertekan
tapi apa daya sa pu hati su senang
kadang ko pu susah sa yang lia
datang ko senang ko su pigi cari dia
kalo ko su senang dia tolong ko bicara
kas lepas sa hati dolo jang bikin sengsara
kalo ko deng dia baru sa ni bagaimana
kalo su begini sa bawa hati kemana
ko bikin sa macam bukan siapa-siapa
cari lain karena sa tra punya apa-apa
sa su sayang baru ko rubah cerita
sa su cinta baru ko pigi deng dia
kalo waktu bisa untuk sa putar kembali
sosok macam koi sumpah sa tra mau kenali

bilang dari awal kalo cinta ini ko tra mau balas
jang ko kasih harapan palsu yang tara pantas
ulang kali sa berjuang namun kau hiraukan
jika sa ni rumah kenapa ko tra pulang
baby jang begini sa tra bisa
jadi jang begitu kalo bisa
apa ini akhir tong pu kisah
kalo ada masalah coba ko cerita
sa su coba tuk bersabar
agar hubungan tra bubar
tapi apa yang sa dapat
bahagia sedikitpun sa tra sempat
malah ko balik hadirkan lagi
sosok dia sebagai pengganti
mana janji yang ko beri
terdengar manis dan berakhir perih

ketika sa pu hati su bertahan dan berjuang
langkah sa lewati namun apa ko berikan
sempat sa su kasih tapi tra pernah ko perlukan
harap kasih bae tapi yang lain ko harapkan
ini hati bukan tempat untuk main
cerita lain bae belakang sa ko ada lain
bukan sekali haruskah sa yang jadi saing
sumpah kecewa kenapa sa yang di permain
jang karena ada dia ko su lupa ko pu sumpah
kini sa diam ketika dengar ko deng dia
sumpah sa jalani su percuma ko sa bangga
hanya ada dia sa terbuang seketika
sudah biar lai jang ada kata cinta
ini mungkin tanda harus tong dua berpisah
karena selama ini hanya sa yang menderita
tutup hubungan jang lai ada cerita