Lirik Lagu Iban Mimpi Belaki by Shazliana Beby.
Terutu naya labuh ai mata
Sehari tu ati aku kelalu gaga
Bajik udu asai aku sepi
Dianta ngena ngepan kumang sehari
Riuh chapuh sebelah ruai
Betabuh betundi begagai
Nyambut bala sida ke datai
Ba pala tangga ngelalu penatai
Aku lalu pansut ke ruai
Panggau diiyas ngena kain bebungai
Temegah ati bechampur gaga
Sehari tu pengerindu tua nyadi nyata
Sesigat bala anak temuai
Ngena ngepan kitai iban
Bebaju burung bejalai berintai
Amai sigat anak temuai
Duduk ditawak ba tengah ruai
Bepegai jari tua berimbai
Besarung tinchin tua seati
Tua dipadu melaki bini
Nanggam semaya besumpah danji
Enda ngelengka ke pangan diri
Aku tedani digusak indai
Runding tekuing pengingat tekusai
Ai mata labuh keberai
Ngumbainya nuan
Gali ngerimbai tang nadai
Enda nyangka sekali
Asa endar asai di ati
Baru aku nemu utai ke nyadi
Aku semina mimpi belaki
Aku semina mimpi belaki
