Lirik Lagu Dayak Acara Pesta by Tria Ramayanti Krisna Vitaloka.
Salam helu auh bara ikey
Akan pambuka karungut marawei
Acara pesta kahanjak atei
Mangundang kula bara kueh bewei
Tabe salam lingu nalatai
Akan pahari je samandiai
Tandak sarita handak manyampai
Ucapan bahagia dia karanai
Nyampai kan ketun je tundah kula
Acara pesta harun namapara
Hatue jagau bawi bakena
Munduk melai mahligai jaya
Andi itah bawin kameluh
Hasupa jagau gagah kamantoh
Malalus huang hasupa jodoh
Ewen batatai rahmat manampuh
Pahayak karungut bahing kanderang
Niat khandak menuju sanang
Aw te cinta saumur janang
Dia kan kandas awi badai panghalang
Katutun atei jadi tabukti
Taucap melai je pesta hai
Balaku dengan je kula biti
Harapan doa mameteng janji
Akn panganten munduk hong kanih
Ucapan salamat je melai biwih
Ruhui rahayu sapire pangulih
Saling mngerti bakurang balabih
Tujuan belum dia hanjulu
Malapas kabujang je sampai waktu
Jatun ti hindai je nunggu nunggu
Umur jadi sampai kanatek nintu
Narai entai jetunggu entai
Pahayak jodoh je jd sampai
Mambina hubungan je rukun damai
Pisuk sarita rawei malambai
Ikei pangarungut je hanjak sanang
Phayak rawei jd maundang
Maatur jalanan hayak halisang
Ketun due je tuntung pandang
Kajenta hoang manampuh acara
Nganderang musik itah nmpara
Balaku dengan pahari kula
Aman ela kalahi kajama
Ikei mahibur melai hong panggung
Balaku ktun saling mandukung
Mangat acara sampai alem gantung
Joget taratur ela hadorong
Pancaran bulan intan cahaya
Alem barasih malalus pesta
Awi te ketun ela nyia nyia
Nyarai hakumpul dengan tundah kula
Sampai hetoh tandak insanan
Tabe permisi tundah jalahan
Mundahan tege andaw harian
Itah hasupa mnampa hiburan
Amun tege kutak sarita
Buah & sala balaku maaf reda
Awi pangarungut je baya baya
Harun nampara balajar kia
Pesta hai sanang hadurut
Mundahan harian tah tau malanjut
Sampai hetoh sarita sewut
Pamit permisi andau alem kaput
Jadi helu tikas toh helu
Mampalepah krungut manandu
Akan jekejau buli kan lewu
Ikei biduan nutup tandak lagu
