Lirik Lagu Ajat Indu Iban by Steve Sheegan.
ajat indu iban tu bansa ajat
sehari tu meruan agi dikingat
suah agi ngajat di rumah panjai
maya bebuti ngerami gawai
orang ngajat bepun ari nunda
indu ngereja mayuh macham pengawa
sida ngena ngepan nadai ke timpang
kaki nyingkang nitihka tempap gendang
tubuh dikeliuk jari dikepai
kaki dikinsit begadai gadai
mua iya manis tuchum lelegup
selampai kekepai dipuput ribut
kaki diasur kaki ditarit
jari dibiau ngetau padi bukit
tubuh dilentur nyau maras tikai
mandi betipuk ba tebing sungai
mata diperening ke kanan kiba
ngiga engkerebai enggau daun lemba
mansang iya ke mua surut ke belakang
baka ke mantun rumput sepit undang
badas amai indu belajar ngajat
lebih agi anak,dara baru angkat
ngambika sida iya enda agi malu
nemu main asal bansa diri empu
