Lirik Lagu Ilmee by Husni Al Muna
keupeuë dak tamoë lam ratèbsubôh mugrèb bak mushalla
tapi ilmeë teuh h'ana sèp
cuköp sakèt sia-sia
bateuë ngën sah h'ana meukri
meusuci h'an meu'oh cara
lheuëh ibadah ka lam jahè
fahla reulè meuföm h'ana
tamsè ta rhah ön keuladi
dak habèh ië bulut h'ana
neu ibadah tan ileumeë
sayang wateë hasè h'ana
ilmeë agama hai rakan
kën pilihan ban sikula
tapi wajèb mandum ureuëng
lageë neukheun lè saidina
nyoë keuh punca hudèp sösah
masalah lam rumôh tangga
aneuk h'anjeut ta peureunoë
binoë h'anjeut tanyoë jaga
tutö seurèng dalam salah
kayèm langkah bak buët hina
keu pemimpin h'ana adè
taseumikè butoi h'ana
ta hudèp trèp tan jaminan
ajai kën bak jaroë hamba
ilmeè beu ta tuntut rijang
kesempatan h'an meu gisa
puë lôm dönya ta ëu dali
katröh bak janji rabbana
ilmeë neu caböt lam 'alam
ngën neucôk pulang 'ulama
